काठमाडौं । देशभर विभिन्न घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।
आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले चारदिने महाअनुष्ठानको पर्व छठ बिहीबार बिहान सूर्य देवतालाई अर्घ दिएपछि सम्पन्नदेखि गोलभेंडाखेतीमा कीटनाशक औषधि छर्कदै गरेका किसानसम्मका तस्विरलाई फोटोमा समेटेका छौं ।
हेरौं फोटो समाचार:
चारदिने महाअनुष्ठानको पर्व छठ बिहीबार बिहान सूर्य देवतालाई अर्घ दिएपछि सम्पन्न । बुधबार अस्ताउँदै गरेको सूर्यलाई अर्घ दिएका बर्तालुले बिहीबार बिहान उदाउँदै गरेका सूर्यलाई अर्घ दिएका हुन् । यो सँगै सत्य र अहिंसाप्रति मानवको रुचि बढाउने र सबै जीवप्रति सहानुभूति राख्न अभिप्रेरित गर्ने तराईवासीको महान् चाड अब सकिएको छ ।
घोराही-१३, सुकीखोलामा गरिएको गोलभेंडाखेतीमा कीटनाशक औषधि छर्किदै किसान ।
सप्तरीको तिलाठी कोइलाडी गाउँपालिकास्थित मन्सापुरमा बाँसको चोयाबाट टोकरी बनाउदै डोम समुदायका व्यक्ति । छठ पर्वमा बाँसबाट बनाइएको टोकरी प्रयोग गर्ने गर्दछ ।
पर्यटकीय क्षेत्र लमजुङको घले गाउँबाट एका बिहानै देखिएको सूर्योदयको दृश्य ।
भक्तपुरको पोटरी स्क्वायरमा माटोका भाँडा बनाउँदै गरेको तस्बिर लिँदै विदेशी पर्यटक । कोरोना भाइरसको महामारी कम हुँदै गएपछि भक्तपुरमा विदेशी पर्यटकको आगमन बढ्न थालेको छ ।
व्यास नगरपालिका–५ स्थित मानुङकोटबाट देखिएको कुहिरोले ढाकिएको दमौली बजार । पछिल्लो समय मानुङकोट पर्यटकहरुको गन्तव्यस्थलको रुपमा विकास हुँदै गएको पाइन्छ ।
काभ्रेपलाञ्चोकको धुलिखेल नगरपालिका-११, काभ्रे भन्ज्याङबाट देखिएको लाङटाङ हिमाल ।
