काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।
आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले हरिबोधनी एकादशी पर्वका अवसरमा सोमबार तनहुँको दमौलीस्थित सेतीमादी नदीमा स्नान गर्ने सर्वसाधारणको भीडदेखि उखु रोप्नका लागि ट्र्याक्टरको सहायताले नाली निर्माण गर्दै गरेका किसानसम्मका तस्विरलाई फोटोमा समेटेका छौं ।
हेरौं फोटो समाचार:
हरिबोधनी एकादशी पर्वका अवसरमा सोमबार तनहुँको दमौलीस्थित सेतीमादी नदीमा स्नान गर्ने सर्वसाधारणको भीड ।
शुक्लाफाँटा नगरपालिका १२ तिल्कीका किसान उखु रोप्नका लागि ट्र्याक्टरको सहायताले नाली निर्माण गर्दै ।
बागलुङ बजारमा सखरखण्ड किन्दै महिला । हरिबोधिनी एकादशीमा अन्न नखाई सखरखण्ड, गिठालगायत फलाहर गरी व्रत बस्ने चलन छ ।
बैतडीको श्रीकोटका किसानले गरेको केराखेती । श्रीकोट केराखेतीको पकेट क्षेत्रको रुपमा चिनिन्छ ।
म्याग्दीको रघुगङ्गा गाउँपालिका–३ नेपानेमा परालसहितको धान झाँट्र्दै कृषक महिला ।
ताप्लेजुङको फुङ्लिङ नगरपालिका—५ स्थित हुलाक लाईनमा सुकाएर राखेको नेपाली हाते कागज ।
