काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ । जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।
आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले शुक्लाफाँटा नगरपालिका–३मा स्थानीयका घरमा जनगणनाको विवरण संकलन गर्दै गणकदेखि घोराहीका भित्री सडकहरु कालोपत्र हुँदै । घोराहीमा सडक कालोपत्र गर्दै कामदारसम्मका तस्विरलाई फोटोमा समेटेका छौं ।
हेरौं फोटो समाचार:
शुक्लाफाँटा नगरपालिका-३, स्थानीयका घरमा जनगणनाको विवरण संकलन गर्दै गणक ।
घोराहीका भित्री सडकहरु कालोपत्र हुँदै । घोराही–१५ भरतपुरको सडक कालोपत्र गर्दै कामदार ।
भोजपुरको टेम्केमैयुङ गाउँपालिका-६ कोटमा स्थानीयवासीको बगानमा फलेका सुन्तला ।
म्याग्दीको बेनी-दरबाङ सडक आयोजनाअन्तर्गत बेनी नगरपालिका-४ सिंगामा पहिरो पन्छाएर सडक विस्तार गरिँदै ।
पित्तलले छाएपछि चिटिक्क देखिएको म्याग्दीको बेनी नगरपालिका–९ स्थित गलेश्वरधाम मन्दिर । नौ रोपनी चक्रसिलामा रहेको गलेश्वरधाम मुक्तिनाथ प्रवेश द्धारको रुपमा परिचित छ ।
खाँडाचक्र नगरपालिका-१ कालिकोट हुल्म नजिक नदीमाथि रहेको भीरको जोखिम सडक ।
जुम्लाको उत्पादित खुर्सानी वर्षभरिका लागि पुग्ने गरी वीरेन्द्रनगर–७ ईत्राम सुर्खेतमा सुकाएर राख्दै स्थानीय महिला ।
पाल्पाको रैनादेवी छहरा गाउँपालिका-५ मा खरको छानासहितको घर । सरकारले खरका छानासहितको घरलाई विस्थापित गर्ने योजना रहिआएको छ ।
