काठमाडौं । सामलिङ पावर कम्पनीको आइपीओ नेपाल स्टक एक्स्चेन्जमा सूचीकृत भएको छ । कम्पनीको ५० लाख कित्ता आइपीओ बुधबार नेप्सेमा सूचीकृत भएको हो । यस कम्पनीले चुक्ता पुँजीका अधारमा कायम सेयर सूचीकरण गरेको हो । कम्पनीको उक्त सेयर मंसिर ९ गते बिहिबारदेखि कारोबारमा आउने भएको छ ।

नेप्सेले कम्पनीको पहिलो कारोबारको लागि न्युनतम प्रतिकित्ता ९८ रुपैयाँ ७७ पैसादेखि अधिकतम २९६ रुपैयाँ ३१ पैसा तोकेको छ । यससँगै भोलिको कारोबारमा कम्पनीको सेयर उक्त रेञ्जभित्र रहेर कारोबार हुनेछ । एसपीसी’ संकेतमा सामलिङको दोस्रो बजारमा कारोबार खुला हुनेछ ।