काठमाडौं । साना किसान विकास लघुवित्त वित्तीय संस्थाले पहिलो त्रैमासको वित्तीय विवरण सार्वजनिक गरेको छ । कम्पनीले चालु आर्थिक वर्षको पहिलो त्रैमाससम्म आइपुग्दा १६ करोड ५४ लाख ७ हजार रुपैयाँ खुद नाफा आर्जन गरेको छ । कम्पनीको यो नाफा अघिल्लो वर्षको सोहि अवधिको तुलनामा १८.१२ प्रतिशतले बढी हो अघिल्लो वर्षको यसैअवधिमा यसले १४ करोड ३० हजार रुपैयाँ खुद नाफा आर्ज गरेको थियो ।
यस्तै कम्पनीको खुद ब्याज आम्दानी ११.९० प्रतिशतलेले बढेर २९ करोड ९२ लाख १४ हजार रुपैयाँ पुगेको छ । अघिल्लो वर्ष यसैअवधिमा यसले २६ करोड ७४ लाख ६ हजार रुपैयाँ खुद ब्याज आम्दानी गरेको थियो । यस्तै सञ्चालन नाफा पनि १४.५६ प्रतिशतले बढेर २० करोड ७३ लाख ५३ हजार रुपैयाँ पुगेको छ भने प्रतिसेयर आम्दानी ५२ रुपैयाँ ८८ पैसा र प्रतिसेयर नेटवर्थ २९९ रुपैयाँ ४२ पैसा रहेको छ ।
