काठमाडौं । सानिमा माई हाइड्रोपावरले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासमा २४ करोड ३८ लाख रुपैयाँ खुद नाफा आर्जन गरेको छ । जुन नाफा अघिल्लो वर्षकोभन्दा ७.६५ प्रतिशतले बढी हो । गत वर्षको यसैअवधिमा कम्पनीले २२ करोड ६३ लाख रुपैयाँँ खुद नाफा आर्जन गरेको थियो ।
यस्तै कम्पनीको विद्युत बिक्रीबाट हुने आम्दानी पनि ०.९३ प्रतिशतले बढेर ३४ करोड ३८ लाख रुपैयाँ पुगेको छ । गत वर्षको यसैअवधिमा यसले विद्युत बिक्रीबाट ३४ करोड ६ लाख रुपैयाँ आम्दानी गरेको थियो । कम्पनीको प्रतिसेयर आम्दानी ८ रुपैयाँ ६८ पैसा रहेको छ भने प्रतिसेयर नेटवर्थ १३२ रुपैयाँ ८२ पैसा रहेको छ । यस्तै रिटेन्ड अर्निङ शीर्षकमा ९१ करोड ५० रुपैयाँ रहेको कम्पनीको चुक्ता पुँजी २ अर्ब ८० करोड ८४ लाख १० हजार रुपैयाँ रहेको छ ।
