काठमाडौं । सपोर्ट लघुवित्तको संस्थापक समूहको सेयर लिलामी भर्ने सोमबार अन्तिम दिन रहको छ । संस्थाको १५ हजार ८५० कित्ता संस्थापक सेयर लिलामी भर्ने मंसिर १३ गते सोमबार अन्तिम दिन रहेको हो । संस्थाले गत कात्तिक २९ गतेबाट संस्थापक सेयर लिलामी खुला गरेको हो । यसमा न्यूनतम ५५० रुपैयाँ भाउ राखेर आवेदन दिन सकिने भएको छ । लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ ।
यो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । लगानीकर्ताले न्यूनतम १०० कित्ता र अधिकतम सम्पूर्ण कित्ताका लागि पनि आवेदन दिन सक्नेछन् । लिलामीको बोलपत्र बिक्री प्रबन्धक आरबीबी मर्चेन्ट बैंकिङ टेकु काठमाडौंमा बुझाउन सकिनेछ ।
