काठमाडौं । युनाइटेड इन्स्योरेन्स कम्पनीले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासमा १ करोड १९ लाख ३७ हजार रुपैयाँ खुद नाफा आर्जन गरेको छ । जुन नाफा गत वर्षको भन्दा ११.७० प्रतिशतले बढी हो । गत वर्षको यसै अवधिमा कम्पनीले १ करोड ६ लाख ८७ हजार रुपैयाँ खुद नाफा आर्जन गरेको थियो ।
यस्तै कम्पनीले खुद बिमा शुल्क ६२.९६ प्रतिशतले बढाएर २१ करोड ४० लाख ३५ हजार रुपैयाँ पुर्याएको छ । यता बिमा कोषमा ३३ करोड ८८ लाख १३ हजार रुपैयाँ रहेको छ भने रिजर्भ कोषमा ११ करोड ७७ लाख ८६ हजार रुपैयाँ रहेको छ ।कम्पनीको प्रतिसेयर आम्दानी १२ पैसाले बढेर बढेर १ रुपैयाँ १६ पैसा पुगेको छ र प्रतिसेयर नेटवर्थ ६ रुपैयाँ १ पैसाले बढेर १४४ रुपैयाँ ४१ पैसा पुगेको छ ।
