मोरङ । प्रहरीले मोरङको सुनसरी धरान उपमहानगरपालिका–७ की ५० वर्षिया सुनिला याखालाई बैंकिङ कसूरको मुद्दामा पक्राउ गरी कारागार चलान पठाएको छ । प्रहरीले उनलाई शनिबार पक्राउ गरी कारागार पठाएको हो ।
उच्च अदालत बिराटनगरको २०७८ बैशाख १६ गतेको फैसलाले याखालाई बैंकिङ कसूर मुद्दामा १ वर्ष ६ महिना कैद र नगद ५ लाख ८ हजार ३ सय ३८ रुपैयाँ ३३ पैसा जरिवाना ठहर गरेको थियो । सो फैसलापछि फरार रहेकी उनलाई लुकिछिपी बसेको अवस्थामा १ नम्बर प्रदेश प्रहरी कार्यालय विराटनगरबाट खटिएको प्रहरीले पक्राउ गरेको हो ।
उनलाई फैसला कार्यान्वयनका लागि जिल्ला अदालत सुनसरीमा दाखिला गरेर कारागार चलान गरिएको प्रहरीले जनाएको छ ।
