काठमाडौं । वरुण हाइड्रोपावरले वार्षिक साधारण सभा बोलाएको छ । कम्पनीले १०० प्रतिशत हकप्रद निष्कासन गर्ने विशेष प्रस्तावसहित पुस २९ गते वार्षिक साधारण सभा बोलाएको हो । उक्त सभा कम्पनीको रजिष्टर्ड कार्यालय अनामनगर काठमाडौंमा बिहान १० बजे हुने भएको छ । कम्पनीेले हकप्रद निष्कासनको लागि बिक्री प्रबन्धक आरबीबी मर्चेन्ट बैंकिङलाई नियुक्त गरिसकेको छ ।

आर्थिक वर्ष २०७७/७८ को वासलात, नाफा/नोक्सान र नगद प्रवाहमाथि छलफल हुने एनेण्डा रहेको छ । यस्तै आर्थिक वर्ष २०७८/७९ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि रहेको छ । सभाका लागि कम्पनीले पुस १६ गते बुक क्लोज गर्ने भएको छ । तसर्थ पुस १५ गतेसम्म कायम सेयरधनीले मात्र सभामा भाग लिन सक्ने भएका छन् ।