काठमाडौं । सीवाइसी नेपाल लघुवित्तको वार्षिक साधारणसभा हुने भएको छ । कम्पनीको पुस २१ गते वार्षिक साधारणसभा हुने भएको हो । सभा होटल पिस प्यालेस बाग्लुङमा बिहान ११ बजे हुने भएको छ । सभामा कम्पनीको प्रबन्धपत्र र नियमावलीमा संशोधन गर्ने एजेण्डा पनि रहेको छ ।
अन्य कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि रहेको छ । यस्तै आर्थिक वर्ष २०७७/७८ को वासलात, नाफा/नोक्सान र नगद प्रवाहमाथि छलफल पनि हुनेछ । आर्थिक वर्ष २०७८/७९ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेण्डा पनि रहेको छ ।
