काठमाडौं । फर्स्ट माइक्रोफाइनान्सको वार्षिक साधारण सभा आज मंसिर १६ गते बिहीबार बस्दैछ । सभा आम्रपाली ब्यांकेट भाटभटेनी काठमाडौंमा बिहान ११ बजे भएको हो । कम्पनीले गत आर्थिक वर्षको नाफाबाट सेयरधनीलाई १० प्रतिशत बोनस सेयर र कर तिर्न ०.५३ प्रतिशत नगद गरी कुल १०.५३ प्रतिशत लाभांश वितरण गर्ने प्रस्ताव सभामा पेश गर्नेछ । कम्पनीको लाभांशलाई नियामक राष्ट्र बैंकले स्वीकृति दिइसकेको छ ।
साधारण सभा प्रयोजनका लागि कम्पनीले मंसिर ५ गते बुक क्लोज गरीसकेको छ । त्यसकारण मंसिर ४ गतेसम्म कायम रहेका सेयरधनीले मात्र सभामा भाग लिन र प्रस्तावित लाभांश पाउन सक्नेछन् । कम्पनीले हाल कायम चुक्ता पुँजी ८७ करोड ६८ लाख ११ हजार २०० रुपैयाँमा १० बोनस सेयर प्रस्ताव गरेको हो ।
