काठमाडौं । गणपति लघुवित्त वित्तीय संस्थाको वार्षिक साधारणसभा पुस १७ गते हुने भएको छ । कम्पनीले सभा हाइट हाउस पार्टी प्यालेस शुक्लागण्डकी, दुलेगौंडा तनहुँमा बिहान ११ बजे बोलाएको हो । सभामा कम्पनीले २०% लाभांश वितरण गर्ने प्रस्तावसहित सर्वसाधारण सेयरधनीको तर्फबाट १ जना सञ्चालन मनोनयन गर्ने एजेन्डा पेस गर्नेछ ।

कम्पनीले गत वर्षको नाफाबाट १९% बोनस र कर प्रयोजनार्थ १% नगद लाभांश वितरण गर्न लागेको हो । यस्तै सभामा कुनै वित्तीय संस्थाहरु गाभ्न र गाभिन परेमा त्यसको अख्तियारी सञ्चालक समितिलाई दिने प्रस्ताव पनि रहनेछ । आर्थिक वर्ष २०७७/७८ को वासलात, नाफा–नोक्सान र नगद प्रवाहमाथि छलफल हुनेछ ।

साथै सभामा आर्थिक वर्ष २०७८/७९ को लागि लेखापरीक्षक नियुक्त गरी पारिश्रमिक निर्धारण गर्नेलगायतका एजेन्डा पनि पेस हुनेछन् । सभाका लागि कम्पनीले पुस ७ गतेदेखि पुस १६ गतेसम्म बुक क्लोज गर्ने जनाएको छ ।