काठमाडौं । सुदूरपश्चिम प्रदेशको औद्योगिक क्षेत्रमा बैंक तथा वित्तीय संस्थाको कर्जा प्रवाह बढेको छ । केन्द्रीय बैंकको तथ्यांकअनुसार एक वर्षको अवधिमा यो क्षेत्रमा बैंक तथा वित्तीय संस्थाको कर्जा प्रवाह २९.५ प्रतिशतले बढेको हो । २०७८ असार मसान्तसम्म बैंक तथा वित्तीय संस्थाले यो प्रदेशको औद्योगिक क्षेत्रमा २६ अर्ब ८१ करोड रुपैयाँ कर्जा प्रवाह गरेका छन् ।

गत आर्थिक वर्षमा यो क्षेत्रमा प्रवाहित कर्जामध्ये सबैभन्दा धेरै विद्युत्, ग्याँस तथा पानीसम्बन्धी उद्योगमा कर्जा बढेको केन्द्रीय बैंकले जनाएको छ । यो क्षेत्रमा प्रवाह भएको कर्जा अघिल्लो वर्षको तुलनामा १३९.२५ प्रतिशतले बढी हो ।