काठमाडौं । कुमारी बैंक लिमिटेडले संस्थापक सेयर बिक्रीमा ल्याएको छ । बैंकले आफ्ना सेयरधनीको नाममा रहेको ३ लाख कित्ता संस्थापक सेयर बिक्रीमा ल्याएको हो । बैंकका संस्थापक सेयरधनी भीम कृष्ण उदास आफ्नो नाममा रहेको ३ लाख कित्ता सेयर बिक्री गर्न लागेको भन्दै बैंकले सार्वजनिक सूचना जारी गरेको छ । यसको मूल्य भने खुलाइएको छैन । सेयर खरिद गर्न बैंकको संस्थापक सेयरधनी नै हुनुपर्नेछ ।

सेयर खरिद गर्न इन्छुक संस्थापकले ३५ दिन भित्र बैंकको सेयर रजिष्ट्रार कुमारी क्यापिटल नक्साल वा कुमारीको मुख्य कार्यालय टंगाल काठमाडौंमा सम्पर्क गर्नुपर्नेछ । यस अवधिमा संस्थापकबाट आवेदन नपरेमा भने सर्वसाधारणका लागि खुलाइने बैंकले जनाएको छ ।