काठमाडौं । मिथिला लघुवित्त वित्तीय संस्थाको वार्षिक साधारणसभा पुस २९ गते हुने भएको छ । कम्पनीको सभा न्यू बौषा होटल एन्ड गेष्ट हाउसको सभाहल, लालगढ धनुसामा बिहान ११ बजेबाट हुने भएको हो ।

कम्पनीले २५% बोनस सेयर र कर तिर्न १.३२% नगद लाभांश वितरण गर्ने प्रस्ताव सभामा लैजाने भएको छ । यस्तै सभामा कम्पनीको सेयर स्वामित्व परिवर्तन गरी संस्थापक समूहको ५१% र सर्वसाधारण समूहको ४९% बनाउने एजेन्डा पनि छ ।

हाल कम्पनीमा संस्थापक समूहको ६०% र सर्वसाधारण समूहको ४०% सेयर स्वामित्व रहेको छ । बोनस सेयरपछि पुँजी वृद्धि हुने भएकाले सोही बमोजिम प्रबन्धपत्र तथा नियमावली संशोधन पनि हुनेछ । सभाका लागि यस कम्पनीले पुस १९ गते बुक क्लोज गर्ने भएको छ । जस अनुसार पुस १८ गतेसम्म कायम रहने सेयरधनी मात्र सभामा भाग लिन र लाभांश पाउने छन् ।