काठमाडौं । नेशनल हाइड्रोपावरले चालु आर्थिक वर्षको पहिलो त्रैमाससम्म आइपुग्दा ५८ करोड ७४ लाख ४३ हजार रुपैयाँ खुद नाफा आर्जन गरेको छ । अघिल्लो वर्षको यसैअवधिमा कम्पनीले २ करोड ३७ लाख ६५ हजार रुपैयाँ मात्र खुद नाफा आर्जन गरेको थियो । एक वर्षमा कम्पनीको खुद नाफा ५६ करोड ३६ लाख ७८ हजार रुपैयाँले बढेको हो । तल्लो इन्द्रावती जलविद्युत् आयोजनाको बोलकबोलमा गरिएको लगानी मध्ये ६१ करोड ७२ लाख रुपैयाँ प्रोभिजन राइट ब्याक गरेकाले नाफा बढेको कम्पनीले जनाएको छ ।

यसअवधिमा कम्पनीले १ करोड ३५ लाख ७६ हजार रुपैयाँ रेभिन्यू संकलन गरेको छ । अघिल्लो वर्ष ६ करोड ६४ लाख १४ हजार रुपैयाँ रेभिन्यू संकलन गरेको कम्पनीले यस वर्ष १ करोड ३५ लाख ७६ हजार रुपैयाँ रेभिन्यू संकलन गरेको छ । कम्पनीको प्रतिसेयर आम्दानी ४२ रुपैयाँ ३९ पैसा रहेको छ भने प्रतिसेयर नेटवर्थ ११६ रुपैयाँ ७६ पैसा रहेको छ । जगेडा कोषमा २३ करोड २२ लाख ३८ हजार रुपैयाँ रहेको कम्पनीको चुक्ता पुँजी १ अर्ब ३८ करोड ५९ लाख ११ हजार रुपैयाँ रहेको छ ।