काठमाडौं । जग्गा खरीद गरिदिन्छु भन्दै ठगी गरेको आरोपमा प्रहरीले एक जनालाई पक्राउ गरेको छ । महानगरीय प्रहरी परिसर काठमाडौंले जग्गा खरीद गरिदिन्छु भन्दै ठगी गरेको आरोपमा संखुवासभा जिल्ला, धर्मदेवी नगरपालिका- २ घर भइ हाल काठमाडौं बौद्ध बस्ने ५३ वर्षीय दुर्गाबहादुर भण्डारीलाई पक्राउ गरेको हो ।
प्रहरी वृत बौद्धले उनलाई काठमाडौंको कागेश्वरी मनहरा नगरपालिका वडा नं ६ थलीमा लुकिछिपी बसेको अवस्थामा पक्राउ गरेको हो । उनले आठ जनाबाट १ करोड ६६ लाख ५० हजार रुपैयाँ ठगी गरेको अनुसन्धानबाट खुलेको हो ।पक्राउ परेका अभियुक्तमाथि थप अनुसन्धान भइरहेको छ ।
