काठमाडौं । स्थानीय तहका १ हजार ६ सय जनाभन्दा बढी कर्मचारीको सरुवा गरिएको छ । संघीय मामिला तथा सामान्य प्रशासन मन्त्रालयले लोक सेवा आयोगबाट विभिन्न स्थानीय तहमा सिफारिस भई कार्यरत १,६१३ कर्मचारीको मंगलबार एकैपल्ट सरुवा गरेको हो ।

मन्त्रालयले लामो समयदेखि अन्तर स्थानीय तह कामकाजमा खटाई दिन अनुरोध गर्दै कर्मचारीले दिएका निवेदनका आधारमा उनीहरुको सरुवा गरेको हो ।

लोक सेवा आयोगबाट सिफारिसमा ‘स्थानीय तहमा नियुक्त भएका कर्मचारीहरुको व्यवस्थापनसम्बन्धी मापदण्ड २०७७’ अनुसार ती कर्मचारीको सरुवा गरिएको मन्त्रालयका प्रवक्ता वसन्त अधिकारीले बताए ।