काठमाडौं । लगानीकर्ताका सबै संघसंस्थाहरुको संयुक्त कार्यदलले तत्काल उच्चस्तरीय कार्यदल गठन गर्न माग गरेको छ । पूँजीबजार सुदृढीकरण बृहत कार्यदलका संयाेजक अम्बिका प्रसाद पाैडेलले एक विज्ञप्ति सार्वजनिक गर्दै विभिन्न नीति परिमार्जन गर्नलगायत ५८ बुँदेका बाँकी कामहरु तत्काल गर्न उच्चस्तरीय कार्यदल गठन गर्न सरकारसँग माग गरेका हुन् ।
ब्रोकरमार्फत मार्जिन ट्रेडिंग कारोबार कार्यान्वयन नभएसम्म राष्ट्र बैंकले लगाएको सेयर धितो कर्जाको सिमा तत्काल हटाउन कार्यदलले माग गरेको छ भने धितोपत्र बोर्ड र नेप्सेका प्रमुख तत्काल नियुक्त गर्नसमेत विज्ञप्तिमार्फत माग गरिएको छ । करिव ४५ खर्ब पुगेको सेयर बजारले पछिल्लो सयम करिब १२ खर्ब गुमाई सकेको र सरकाले अर्बौं राजश्व गुमाउनु परेको छ । यस्तै ४७ लाखभन्दा धेरै लगानीकर्ताको १२ खर्बभन्दा बढी सम्पति गुमेको सो बिज्ञप्तिमा उल्लेख गरिएको छ ।
विज्ञप्तिमा भनिएकाे छ ‘अर्थ मन्त्रालय तथा अन्य सरोकारवाला निकायहरुले तीन वर्ष अघि नै गर्छ भनेका ५८ बुँदेका बाँकी कामहरु पुरा नहुँदा र यसबीचमा भएका कतिपय नीतिगत परिवर्तनका कारणले पूँजी बजारमा गंभीर संकट उत्पन्न भएको छ । यो संकट समाधानका लागि हामी लगानीकर्ताहरुको तर्फबाट पटक पटक पहल हुँदा समेत सरकार र सम्बद्ध पक्षबाट सम्बोधन नभएकाले करिव ४५ खर्ब पुगेको सेयरबजारले करिब १२ खर्ब गुमाई सकेको छ भने सरकारले अरबौ राजस्व गुमेको छ । ४७ लाखभन्दा धेरै डिम्याट खाताधारीबाट १२ खर्ब भन्दा बढी सम्पति गुमी सकेको छ ।’
लगानीकर्ताहरुले सुझाएका उपायहरुको सम्बोधन नगरी परिस्थिति थप बिग्रेमा त्यसको सम्पूर्ण जिम्मेवार सरोकारवाला निकायहरु नै हुनेमा पनि लगानीकर्ताहरुले ध्यानाकर्षण गराएका छन् । साथै लगानीकर्ताहरुलाई संयमित भएर कारोबार गर्न र अत्यावश्यक नपरी सेयर बिक्री नगर्न आग्रह गरिएको छ । विज्ञप्ति हेर्नुहाेस् :
