काठमाडौं । सनराइज बैंक लिमिटेडले वार्षिक साधारणसभा बोलाएको छ । बैंकले पुस १५ गते आम्रपालि ब्यांकेट बालुवाटार, काठमाडौंमा बिहान १०.३० बजे साधारणसभा बोलाएको हो । उक्त सभामा भर्चुअल माध्यमबाट पनि सहभागी हुन सकिनेछ । सभा प्रयोजनाको लागि बैंकले पुस ४ गते बुक क्लोज गर्ने भएको छ । तसर्थ पुस ३ गतेसम्म नेप्सेमा कायम सेयरधनीले मात्र उक्त लाभांश पाउनेछन् ।
सभाले बैंक सञ्चालक समिति बैठकले आर्थिक वर्ष २०७७/७८ को नाफाबाट प्रस्ताव गरेको ६.६५ प्रतिशत बोनस र कर तिर्न ०.३५ प्रतिशत नगद लाभांश वितरण गर्ने विशेष प्रस्ताव पारित गर्नेछ । साथै मर्ज तथा एक्वीजिसनसम्बन्धी सम्पूर्ण कार्य गर्न सञ्चालक समितिलाई अख्तियारी दिने, प्रबन्धपत्र तथा नियमावली संशोधन गर्ने विषयमा पनि छलफल हुनेछ ।
