​वीरगंज । स्रोत नखुलेको नगदसहित २ जना पक्राउ परेका छन् । प्रहरीले वीरगंज महानगरपालिका-१६ रजयन्ती चोकबाट स्रोत नखुलेको नगद ६ लाख ५४ हजार रुपैयाँसहित दुई जनालाई मंगलबार साँझ पक्राउ गरेको हो ।

पक्राउ पर्नेमा भारत मोतिहारी पूर्वीचम्पारण ढाका थाना विश्रामपुर-७ बस्ने जादोलाल साह र सोही ठाउँ चैनपुर बस्ने विगन साह रहेका छन् । जाँच गर्ने क्रममा उनीहरूले लुकाई ल्याउँदै गरेको उक्त नगदसहित फेला पारी उनीहरूलाई पक्राउ गरिएको हो । सो सम्बन्धमा प्रहरीले थप अनुसन्धान गरिरहेको छ।