काठमाडौं । अवैध एक किलो सुनसहित काठमाडौंबाट पोखरा जाँदै गरेका एक युवक पक्राउ परेका छन् ।  वडा प्रहरी कार्यालय गगनगौंडाबाट खटिएको प्रहरीले काठमाडौंबाट पोखरातर्फ जाँदै गरेको ग१ख २९६९ नम्बरको हाइस माइक्रोबसलाई जाँच गर्ने क्रममा रेशम सुनारलाई अवैध एक किलो सुनसहित पक्राउ गरेको हो ।

पोखरा-३० पावरहाउस चोकबाट करिब १ किलो बराबरको बिस्कुटको आकारमा रहेको सुनसहित उनलाई शनिबार राती प्रहरीले पक्राउ गरेको हो । सो सुनको मूल्य झन्डै ८० लाख रुपैयाँ पर्न आउँछ । घटनाको थप अनुसन्धान भइरहेको प्रहरीले जनाएको छ ।