नवलपरासी (बर्दघाट सुस्तापूर्व) नवलपुरको हुप्सेकोटमा पहिरोपीडितका लागि बनाइएका टेन्ट । चिसो मौसममा पीडित परिवार टेन्टभित्र रात बिताउन बाध्य रहेका छन् ।

बागलुङको गलकोटमा जारी खेलकुद तथा सांस्कृतिक महोत्सवमा बिक्रीका लागि राखिएका सुन्तला । महोत्सवमा कृषि उपजको प्रदर्शनी कक्षसमेत छ ।

तनहुँको व्यास नगरपालिका–११ तनहुँसुरस्थित सूर्योदय प्राथमिक विद्यालयमा अध्ययनरत चेपाङ बालबालिका । न्यानो कपडाको अभावमा उनीहरु जाडोमा काम्दै विद्यालय आउने गरेका छन् ।

जापानमा दश वर्ष काम गरेर फर्किएर ब्यावसायिक बाख्रापालन शुरु गरेका म्याग्दीको मङ्गला गाउँपालिका–२ तल्लो डडुवाका कृष्ण पौडेल ।

कुहिरो र हुस्सुका बीच शुक्लाफाँटा नगरपालिका-१० झलारी बजारका विद्यार्थी विद्यालय जाँदै । कञ्चनपुरमा अत्यधिक चिसो बढेसँगै यस क्षेत्रको जनजीवन प्रभावित भएको छ ।

धनगढी उपमहानगरपालिका–३ को बडहरास्थित मोहना नदीमाथि निर्माण गरिएको काठेपुल ।

बागलुङको जैमिनी नगरपालिकाका किसानले व्यावसायिक रुपमा गरेको बङ्गुरपालन । मासु र पाठापाठीको माग बढेपछि बङ्गुरपालनप्रति आकर्षण बढ्दो छ ।

तनहुँको शुक्लागण्डकी भिमाद सडकखण्ड विस्तारका क्रममा दोभानमा रोकिएका सवारीसाधनको लामबद्ध । उक्त सडकखण्ड फराकिलोसहित स्तरोन्नतिका काम भइरहेको छ ।