काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।
आज कुन-कुन ठाउँमा के-के भयो ? यी दृश्यहरु आफैं बोलिरहेछन् । आजको अंकमा हामीले हिउँले तिन्जे डोल्पा जाने बाटो अवरुद्धदेखी जीर्ण झोलुङ्गे पुल तर्दै बाग्लुङका महिलासम्मका तस्विरलाई फोटोमा समेटेका छौं ।
हेरौं फोटो समाचार :
डोल्पोबुद्ध गाउँपालिकाको तिन्जे डोल्पा जाने बाटो हिउँले अवरुद्ध । हिमपात भएपछि यहाँका पशुपालक किसानलाई बढी समस्या भएको छ ।
बागलुङको गलकोट नगरपालिका-२ नरेठाँटीको तोरीखोलामा रहेको जीर्ण झोलुङ्गे पुल तर्दै स्थानीय महिला । पुलको मर्मत सुधार नहुँदा यात्रामा जोखिम बढेको छ ।
विस्तारका क्रममा रहेको जोरपाटी-गोकर्ण-सुन्द रीजल सडकको नयाँपाटी खण्डमा थुपारेको दुई साता बितिसक्दासमेत नबिच्छ्याइएको ग्राभेल । थुपारेको ग्राभेल नबिच्छ्याउँदा सवारी जाम र दुर्घटनाको जोखिम बढेको छ ।
विश्व सम्मपदाको सूचीमा सूचीकृत पर्यटकीयस्थल लुम्बिनीको केन्द्रीय नहरमा बोटमा सयर गर्दै आन्तरिक पर्यटक ।
केही दिनअघिको हिमपातले हिउँको पशुको चित्र बनाएर रमाउँदै बालक ।
निर्माणाधीन पोखरा क्षेत्रीय अन्तर्राष्ट्रिय विमानस्थल।
