काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।
आज कुन-कुन ठाउँमा के-के भयो ? यी दृश्यहरु आफैं बोलिरहेछन् । आजको अंकमा हामीले जाडो बढेसँगै डसना बनाउँदै धनगढीका महिलादेखि टाङ्गामा सवार गर्दै चितवनका आन्तरिक पर्यटकसम्मका तस्विरलाई फोटोमा समेटेका छौं ।
हेरौं फोटो समाचार :
जाडो बढेसँगै धनगढीको मिलनचोकनजिकै शुक्रबार डसना बनाउँदै महिला ।
चितवनको सौराहामा टाङ्गामा सवार गर्दै आन्तरिक पर्यटक ।
सदरमुकामसमेत रहेको नारायण नगरपालिका दैलेखबाट देखिएका हिमशृङ्खला । दैलेख सदरमुकाम जाँदा सडकबाटै यी सुन्दर हिमालहरु देख्न सकिन्छ ।
डिभिजन वन कार्यालय तनहुँले कार्यालय परिसरमा बनाएको नर्सरी । कार्यालयले यसबर्ष एक लाख विरुवा उत्पादन गर्ने लक्ष्य लिएको छ ।
फोक्सुण्डो गाउँपालिका–३ साल्दाङ गाउँ हिउँले सेताम्य । उपल्लो डोल्पामा पर्ने यो गाउँ फोक्सुण्डो गाउँपालिकाको प्रशासकीय केन्द्रको रुपमा रहेको छ ।
तेह्रौँ चितवन महोत्सवका लागि मुख्य प्रवेशद्वारसँगै तयार पारिएको झरनासहितको प्राकृतिक उद्यान । उक्त उद्यानमा विभिन्न प्रजातिका फूलहरु राखिएका छन् भने झरनासँगैको पोखरीमा माछा तथा गङ्गटासमेत राख्ने तयारी गरिएको छ ।
