काठमाडौं । पिपुल्स पावर लिमिटेडले आइपीओ निष्कासन गर्ने भएको छ । कम्पनीले ३० करोड ९९ लाख ७४ हजार रुपैयाँ बरारको ३० लाख ९९ हजार ७४० कित्ता आइपीओ निष्कासनका लागि नियामक निकाय नेपाल धितोपत्र बोर्डमा निवेदन दिएको हो ।

कम्पनीले उक्त बराबरको आइपीओ निष्काशनका लागि पुस २७ गते बोर्डमा निवेदन दिएको हो । सेयर निष्कासन तथा बिक्री प्रबन्धक प्रभु क्यापिटल लिमिटेड रहेको छ । बोर्डबाट स्वीकृति पाएपछि कम्पनीले पहिलो चरणमा स्थानीय बासिन्दाका लागि आईपीओ निष्कासन गर्नेछ भने त्यसपछि दोस्रो चरणमा सर्वसाधारणको लागि निष्कासन गर्ने जनाएको छ ।