काठमाडौँ । पुरानो बानेश्वरबाट प्रहरीले ३६ जना चिनियाँ नागरिकलाई पक्राउ गरेको छ । महानगरीय प्रहरी परिसर काठमाडौँको टोलीले सोमबार राती उनीहरूलाई पक्राउ गरेको हो ।

महानगरीय प्रहरी परिसर काठमाडौँका एसएसपी सुदीप गिरीले अवैध कल बाइपासमा संलग्न भएको आरोपमा ३६ जना चिनियाँ नागरिकलाई पक्राउ गरिएको बताएका हुन् । चिनियाँ नागरिकहरूलाई महानगरीय प्रहरी वृत्त नयाँ बानेश्वरको हिरासतमा राखिएको छ ।