×

Live on

रेडियो अर्थ सरोकार

Listen to live radio.

मौलाउँदै प्रतिबन्धित क्रिप्टोकरेन्सी कारोबार, डेढ करोडको कारोबार देखिएपछि न्युरोडबाट पुन: १ जना पक्राउ

GLOBAL IME BANK
KAMANA SEWA BIKAS BANK

मौलाउँदै प्रतिबन्धित क्रिप्टोकरेन्सी कारोबार, डेढ करोडको कारोबार देखिएपछि न्युरोडबाट पुन: १ जना पक्राउ

१९ माघ २०७८, बुधबार

पढ्न लाग्ने समय: १ मिनेटभन्दा कम

काठमाडौं । नेपालमा प्रतिबन्धित रहेको क्रिप्टोकरेन्सी कारोबार पछिल्लो समय बढ्दै गरिरहेको पाइएको छ । डिजिटल मुद्रा क्रिप्टोकरेन्सीको कारोबारमा संलग्न भएको अभियोगमा पुन: एक जना पक्राउ परेका हुन् । पक्राउ पर्नेमा भक्तपुरको दुवाकोट–२ का ३० वर्षीय रवीन्द्र अधिकारी रहेका छन् ।
महानगरीय प्रहरी कार्यालय, रानीपोखरीका प्रमुख हरिबहादुर पालले विशेष सूचनाको आधारमा न्युरोडस्थित गुच्चा टोलबाट उनलाई फेला पारी अनुसन्धान गर्दा क्रिप्टोकरेन्सीको कारोबार गर्ने गरेको तथ्य फेला परेको थियो । उनले मोबाइलबाट ०.२८६६ बराबरको बिटक्वाइन कारोबार गरेको रेकर्ड भेटिएको बताए । जसको नेपाली मूल्य १३ लाख रुपैयाँ पर्न आउँछ ।
तीन महिनामा उनको कारोबार एक करोड ४८ लाख ४४ हजार रुपैयाँ देखिएको पालले बताए । उनिमाथि थप अनुसन्धान र कारबाहीका लागि महानगरीय प्रहरी परिसर, टेकुलाई बुझाइएको छ । केहि समय अघि सोहि कारोबारमा संलग्न कैलालीका दिनेश खड्कालाई पनि प्रहरीले पक्राउ गरेको थियो भने उनका परिवार ३ जना र अन्य १ जनाको बैंक खातामा क्रिप्टोकरेन्सी कारोबारगरे वापतको रकम फेला परेको थियो ।
CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: