काठमाडौं । ग्रीनलाइफ हाइड्रोपावरको वार्षिक साधारणसभा आज शुक्रबार हुँदैछ । सभा अम्रपाली ब्यांकेट बालुवाटार, काठमाडौंमा बिहान ११ बजे भर्चुअल माध्यमबाट सुरु भएको हो । सभामा संस्थापक समूहको तर्फबाट ५ जना र सर्वसाधारण समूहको तर्फबाट २ जना सञ्चालक नियुक्त गर्ने प्रस्ताव रहेको छ ।
आर्थिक वर्ष २०७७/७८ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७८/७९ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा छ । सभाका लागि कम्पनीले माघ ९ गते बुक क्लोज गरिसकेको छ । माघ ८ गतेसम्म कायम सेयरधनीले सभामा सहभागी हुन सक्नेछन् ।
