×

Live on

रेडियो अर्थ सरोकार

Listen to live radio.

मिर्मिरे लघुवित्त वित्तीय संस्थाद्धारा व्यवसाय प्रवद्र्धन तथा क्षमता अभिबृद्धि तालिम प्रदान

GLOBAL IME BANK
KAMANA SEWA BIKAS BANK

मिर्मिरे लघुवित्त वित्तीय संस्थाद्धारा व्यवसाय प्रवद्र्धन तथा क्षमता अभिबृद्धि तालिम प्रदान

१९ माघ २०७८, बुधबार

पढ्न लाग्ने समय: १ मिनेटभन्दा कम

बनेपा । बनेपा प्रधानकार्यालय रहेको मिर्मिरे लघुवित्त वित्तीय संस्थाले मधेश प्रदेश मातहतका ९ वटा शाखा कार्यालयका कर्मचारीहरुलाई कलैया स्थित होटल करणराज प्यालेसमा व्यवसाय प्रवद्र्धन तथा क्षमता अभिबृद्धि तालिम प्रदान गरेको छ । संस्थाको मधेश प्रदेश प्रमुख रामकिशोर चौधरीको संयोजकत्वमा कार्यक्रम भएको हो ।

संस्थाका प्रमुखकार्यकारी अधिकृत पुष्कर राज जोशी र कजाृ विभाग प्रमुख राजेश श्रेष्ठले सहभागिहरुलाई सहजिकरण गरेको हो । तालिममा कर्मचारीहरुलाई व्यवसाय प्रवद्र्धनका सिकाईहरु, लघुवित्तको मुलमर्म, कर्जा विश्लेषण र जोखिम व्यवस्थापन, गुणस्तरीय धितो कर्जा लगानी प्रक्रियालगायतका सिकाईहरु गरिएको हो ।

आर्थिक वर्षको सुरुबाट नै कर्मचारीहरुको क्षमता र दक्षता अभिबृद्धिको लागि विभिन्न तालिमहरुको आयोजना गर्दै आएको संस्थाले राष्ट्र बैंकले दिएको निर्देशन अनुरुप प्रादेशिक संरचनामासमेत कार्य थालनी गरिसकेको छ । संस्थाले त्रैमासिक रिपोर्टको समिक्षा गर्दै कर्मचारीहरुसंग साक्षात्कारसहित समस्याहरुको सुनवाई को लागि यस्तो कार्यक्रमहरु गरिएको र निरन्तर वेबिनारमार्फत पनि कार्यक्रमहरु भइरहेको संस्थाका प्रमुखकार्यकारी अधिकृत पुष्कर राज बोहराले बताए ।

संस्थाको दोश्रो त्रैमाससम्ममा ८ अर्ब ८६ करोड लगानी गरेको छ भने सदस्यहरुबाट २ अर्ब ६२ करोड बचत संकलन गरेको छ । दोश्रो त्रैमासमा संस्थाले प्रकाशित गरेको अपरिष्कृत वित्तीयविवरण अनुसार १२ करोड १६ लाख रुपैंया नाफा गरेको छ भने प्रति सेयर आम्दानी ५५.९१ रुपैंया रहेको छ ।

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: