काठमाडौं । नेपाल इन्स्योरेन्सले ५० हजार कित्ता संस्थापक सेयर बुधबारदेखि लिलामीमा ल्याएको छ । कम्पनीले प्रुडेन्सियल क्यापिटल म्यानेजमेन्ट कम्पनी प्रालिको नाममा रहेको सो सेयर बिक्रीमा ल्याएको हो ।

सो सेयरको न्यूनतम मूल्य प्रतिकित्ता रू. ४०० तोकिएको छ । तोकिएको मूल्य र अवधिभित्र विद्यमान संस्थापक सेयरधनीहरुले मात्र यो शेयर खरीदको लागि आवेदन दिन सक्नेछन् । यसमा विद्यमान संस्थापक सेयरधनीले मात्रै आवेदन दिन पाउनेछन् ।

तोकिएको अवधिभित्र विद्यमान संस्थापक सेयरधनीहरुबाट आवेदन नपरेमा भने अन्य व्यक्ति तथा संस्थाहरुमा यो शेयर विक्री गरिने जानकारी कम्पनीले दिएको छ । आवेदन कम्पनीको केन्द्रिय कार्यालय कमलादी, काठमाडौंमा बुझाउनु पर्नेछ ।