७ प्रदेशमा सयौं शाखा । सयौं साखासहित सयौं एटिएम । हजारौं स्टाफ र लाखौँ ग्राहक । यो चुनौतीपूर्ण संजाल सम्हाल्नु सानो चिज हुँदै होइन । अझ ग्राहकसँग सिधा जोडिएको सेवा । कर्जा प्रभावदेखि डिपोजिट संकलनसम्म, सेवा विस्तारदेखि ग्राहकसँगको सम्बन्धसम्म । एनआईसी एशिया बैंकले आफ्नो सेवालाई कसरी सम्हालीरहेको होला ? एक पटक नम्बर १ बन्न जति गाह्रो छ, नम्बर १ बनिरहन त्यतिकै चुनौतीपूर्ण छ । तर एनआईसी एशिया बैंक यो चुनौतीलाई चिर्दै कसरी सधैं नम्बर १ रहीरहेको होला ? यो प्रश्न धेरैलाई लाग्ने प्रश्न हो । र सत्य यो पनि हो कि बैंक नेपालको निजीस्तरको बैंकमा नम्बर १ रहिरहनका लागि बैंकका सातै प्रदेशका साखाहरुमा हुनुपर्ने उपस्थिति पनि निकै ठुलो र महत्वपूर्ण कुरा हो । केन्द्रमा रहेको व्यवस्थापन टिमसँग सहकार्य गर्ने बैंकको ७ वटै प्रदेशका गतिला टिम नभई यो सफलता सम्भव नै छैन । र त सफलताका हरेक खुड्किलाहरुमा बैंकका प्रादेशिक तहमा रहेका कर्मचारीहरुको योगदान र मेहेनत उत्तिकै छ । त्यसमाथि पनि बैंकले प्रदेश-प्रदेशमा यति गतिलो टिम राखेको छ कि, मानौं कुनै राम्रो बिकास बैंकको सीइओ हुने सक्षमता त यहाँका प्रदेश प्रमुखहरुसँग छ ।

यसै पनि पूर्व उद्योगहरुको नगरी हो । उद्योगहरुको नगरी भएपछी व्यवसायीहरुको थलो हुने नै भयो । धेरै व्यवसायी एकैठाउँमा हुने भएपछी चुनौति पनि थपिने नै भयो । तर सो चुनौतिलाई गज्जबले सम्हालेका छन् बिकाश खरेलले । प्रदेश नम्बर १ मा एनआईसी एशियाको उपस्थिति उल्लेखनीयमात्र छैन, बरु बजार हिस्साको ठुलो प्रतिशतको व्यापार एनआईसी एशियासँग छ । कर्जा विस्तारदेखि डिपोजिट संकलनसम्म हेर्दा प्रदेश नम्बर १ को टिमले सार्है ठुलो मेहेनत गरेको देखिन्छ । धेरै उद्योगीहरु भएको ठाउँमा रिस्क पनि बढी हुन्छ । बैंक पनि बेला बेलामा यस्ता रिस्कमा नपरेको होइन । तर बैंकको जुझारु टिमले आइपरेका हरेक खालका समस्याहरुलाई समाधान गर्दै अगाडी बढेको छ । सिंगो एनआईसी एशिया बन्नका लागि प्रदेश १ को महत्वपूर्ण भूमिकालाई सार्है न्याय गरेर प्रदेश नम्बर १ मा एनआईसी एशिया लिडर बन्न सफल भएको छ । ग्राहक संख्यादेखि कर्जा विस्तारसम्ममा प्रदेशकै अग्रणी बनेको एनआईसी एशिया बैंकलाई प्रदेश नम्बर १ का बिकाश खरेलले नेतृत्व गरिरहेका छन् । बैंकिङमा संगालेको लामो अनुभव अहिले उनी पूर्वमा पोखीरहेका छन् । पूर्वबाट सुर्य उडाएर देश झलमल्ल बनाएझैं, एनआईसी एशियाको सुर्योदय पनि पूर्वबाट नै भईरहेको छ भन्ने भान हुनेगरी उनी अहिले बैंकमा मेहेनत गरिरहेका छन् । प्रदेश नम्बर १ मा रहेका दर्जनौं शाखा र सयौंको संख्याका कर्मचारीहरुलाई उनको नेतृत्व र इमान्दार परिचालनले बैंकलाई थप शशक्त बनाईरहेको छ ।

एनआईसी एशियाका पूराना कर्मचारी हुन् दिपेन्द्र शर्मा । क्षमताका हिसाबले त उनी अहिले चलेको बिकास बैंकका सीइओ हुने हैसियत राख्छन् । समस्यालाई सार्है सहज रुपमा ट्याकल गर्न सक्ने क्षमताले उनलाई यस अघि गण्डकी प्रदेशमा धेरैले रुचाएका थिए । उनी यसअघि बैंकका गण्डकी प्रदेश प्रमुख थिए । बैंकिङ करियर सुरु गरेदेखि अहिलेसम्म आइपुग्दा सार्है सटिक, इमान्दार र स्पष्ट बैंकरको छवि बनाएका उनीसँग समस्यासँग जुध्ने साहस छ । र त गण्डकी प्रदेशमा उनले गरेको कामको सार्है ठुलो प्रभाव देखेपछि अझ बढी पोर्टफोलियो भएको मधेश प्रदेशमा मा उनलाई सरुवा गरेको हो बैंकले । अहिले उनी मधेश प्रदेशलाई एनआईसी एशियाका तर्फबाट कमाण्ड गरिरहेका छन् । पोर्टफोलियो यसै ठुलो, त्यसमाथि पनि प्रदेश नम्बर २ को बैंकिङ अनुभवलाई धेरै कुरामा ‘टफ’ मानिएको छ । तर त्यो टफनेशलाई उनले ‘सफ्टनेस’ र काममा स्मार्टनेस प्रयोग गरेर जितिरहेका छन् । अरु प्रदेशजस्तै कर्जा विस्तारदेखि डिपोजिट संकलनसम्म मधेश प्रदेशमा पनि एनआईसी एशिया बैंक धेरै अगाडी छ । गण्डकी प्रदेशमा जसरी सबैको वाहवाही पाएका थिए उनले, मधेश प्रदेशमा पनि सुरुवाती दिन देखि नै उनको काम गराईलाई धेरैले ‘पर्फेक्ट’ मानिरहेका छन् । उनी मधेश प्रदेशमा आएदेखि बैंक यो प्रदेशमा थप प्रगतिउन्मुख छ ।

यस अघि हाल मधेश प्रदेशमा रहेका दिपेन्द्र शर्माको नेतृत्वले सार्है ठुलो न्याय गरेर बलियो बनाएको बैंकको पोर्टफोलियोलाई थप शशक्त बनाउने अभियानमा छन् गण्डकी प्रदेशका मनु शर्मा । कोरोनाको बेलामा सबैभन्दा बढी प्रभावित भएको प्रदेश हो गण्डकी । अधिकांस होटल तथा पर्यटन व्यवसायमा समस्या देखिएका बेला बैंकका लागि पनि धेरै अर्थमा समस्या हुन सक्ने सम्भावना थियो । तर बैंकको कुशल नेतृत्वले गरेको काम र मनु शर्माको प्रादेशिक नेतृत्वले ती समस्याहरुलाई समाधान गरिदियो । लामो समयको बैंकिङ अनुभव र एनआईसी एशियाको एग्रेसिभ ग्रोथलाई जोड गर्दा उनको नेतृत्वमा गण्डकी प्रदेशमा एनआईसी एशिया थप सशक्त बनिरहेको छ । धेरै तथ्यहरुमा प्रदेशमा रहेका बैंकहरुमध्ये निकै अगाडी रहेको एनआईसी एशियालाई कमाण्ड गरेका मनु शर्माको नेतृत्वमा एनआईसी एशिया थप गतिशील बनिरहेको छ ।

बागमती प्रदेश धेरै हिसाबले प्रादेशिक रुपमा बढी ग्राहक, बढी कर्जा लिने ऋणी, बढी डिपोजिट र बढी शाखा भएको प्रदेश हो । बागमती प्रदेशको बैंकिङ यसकारण पनि बढी चुनौतीपूर्ण हुने नै भयो । तत्कालीन कमर्ज एण्ड ट्रष्ट बैंक, नेपाल बैंक, बैंक अफ काठमाण्डु हुँदै एनआईसी एशिया बैंकमा काम गरेको अनुभवलाई अहिले प्रकाश चन्द्र अधिकारीले सटिक कमाण्ड गरिरहेका छन् । अन्य प्रदेशमा ठुलो संजालमा नपुगेका अन्य बैंकहरु पनि बागमती प्रदेशमा निकै एग्रेसिभ रुपमा लागेकाले पनि अधिकारीको काँधमा एनआईसी एशियालाई यो प्रदेशमा लिडर बनाउने ठुलो जिम्मेवारी छ । र त सो जिम्मेवारीलाई शिरोपरी गरेर उनी अहिले आफ्नो टिमसँग निकै मेहेनत गरिरहेका छन् । तल्लो तहका कर्मचारीको साथ र माथिल्लो तहको व्यवस्थापनको विश्वासले बैंकमा काम गर्न सहज त भएको छ नै, आईपरेका चुनौतिहरुलाई पनि अधिकारीले गज्जबसँग सम्हालिरहेका छन् र देखापरेका समस्याहरुलाई समाधान गरिरहेका छन् । अस्ती भन्दा हिजो राम्रो र हिजो भन्दा आज राम्रो हुनेगरी उनले बैंकमा ग्रोथ देखाईरहेका छन्। आज भन्दा भोलि राम्रो हुनेगरी काम गर्नुपर्ने जिम्मेवारीलाई स्वीकार्नुपर्ने यथार्थ त छंदैछ । र त उनी निरन्तर लागिरहेका छन्, ग्राहकको सन्तुष्टी र बैंकको सफलताका लागि ।

आफ्नो लामो समयको बैंकिङ अनुभवलाई अहिले लुम्बिनी प्रदेशमा पोखीरहेका छन् निकै स्मार्ट र भर्सटाइल बैंकरका रुपमा परिचित तिलक सुन्दर कार्की । लुम्बिनी प्रदेशमा व्यवसायको संरचना अरु प्रदेशभन्दा अलि फरक छ । केहि ठुला उद्योग र साना व्यवसायको संख्या त्यहाँ भन्दा धेरै गुणा ठुलो रहेको यो प्रदेशमा तिलक सुन्दर कार्कीले एनआईसी एशियालाई लिडर बनाईराख्न खुब मेहेनत गरिरहका छन् । बैंकको ब्राण्डलाई आत्मसाथ गर्दै लुम्बिनीमा कर्जा विस्तारमा निकै आक्रामक बनिरहेका छन् कार्की । डिपोजिट संकलनमा पनि प्रदेशकै लिडर छ एनआईसी एशिया । ग्राहकको सन्तुष्टीको तथ्य केलाउने हो भने यो प्रदेशमा एनआईसी एशिया लिडर छ लुम्बिनीमा । रिकभरीदेखि कर्जा प्रवाहको मामलामा निकै अगाडी रहेको एनआईसी एशिया बैंकले यस प्रदेशमा ग्राहकको संख्या पनि दिनानुदिन थपिरहेको छ । जसका कारण लुम्बिनी प्रदेशमा एनआईसी एशिया बैंकको उपस्थिति अरु बैंकहरुको भन्दा उत्कृष्ट छ । छोटो समयमा नै कर्जा प्रक्रिया सहज रुपमा पूरा हुनु, लाखौँ ग्राहकहरुले विश्वास गर्नु, र यो प्रदेशमा रहेका कर्मचारीहरुले निरन्तर मेहेनत गर्नुले बैंकलाई यो प्रदेशमा थप शशक्त बैंकको रुपमा स्थापित हुन थप टेवा पुगेको छ ।

सम्भावनाको खानी हो कर्णाली प्रदेश । सँगै बिकटताको नमुना पनि हो कर्णाली प्रदेश । सम्भावनाका रेखाहरुसँग चुनौतिका उस्तै चट्टानहरुले गढाएको प्रदेशमा बैंकिङ सोचेजस्तो सजिलो हुने कुरै भएन । तर बिकटबस्तीहरुमा रहेका साखाहरुलाई व्यवस्थापन गर्ने कुरामा होस् वा बैंकिङको ‘ब’ नबुझेकाहरुलाई सेवा दिने कुरामा होस्, यो चुनौतिपूर्ण कामलाई राजन राज पोखरेलले निकै सुन्दर तरिकाले व्यवस्थापन गरेका छन् । साक्षर नभएका नागरिकहरुको संख्या पनि ठुलो भएको यो प्रदेशमा कतिपय त्यस्ता ठाउँहरु पनि छन्, जसले बैंक भन्ने बुझेकासमेत राम्रोसँग छैनन् । र यहि प्रदेशमा यस्ता संरचनाहरु पनि बनिरहेका छन्, जसलाई सबैभन्दा ठुलो कुरा नै बैंक हो । यो ग्यापका बीच काम गर्न कम्ति गाह्रो छैन । तर राजराज पोखरेलले यो चुनौतिलाई अवसरमा बदलेका छन् । र निरन्तर कर्णाली प्रदेशमा एनआईसी एशियालाई लिडर बनाउने अभियानमा खटेर लागेका छन् ।

कतिपय बैंकरहरु नै सुदूरपश्चिम भनेपछि बैंकिङका लागि धनगढी, कंचनपुर, अत्तरिया वा महेन्द्रनगर मात्र सम्झने गर्छन्। तर यथार्थ यो मात्र होइन । बिकट बैतडीदेखि बझाङसम्म, डढेलधुरादेखि बाजुरासम्म बैंकको उपस्थिति कम्ती चुनौतीपूर्ण छैन । तर तेजराज तिमिल्सीनाले सबै सम्भावित समस्यालाई ट्याकल गरेर सुदूरपश्चिममा बैंकलाई नम्बर १ बनाईरहन निकै मेहेनत गरिरहेका छन् । भूगोलका हिसाबले पनि देशको उपल्लो कुनामा भएकाले यो क्षेत्रमा बैंकिङ अरु प्रदेशको तुलनामा फरक खालको ‘टफ’ छ । तर सम्भावना नै सम्भावनाका बीचमा आएका समस्याहरुलाई समाधान गर्दै तेजराज तिमिल्सीनाको कमाण्डमा सुदूरपश्चिम प्रदेशमा एनआईसी एशिया लिडर बन्न सफल भएको छ । र त प्रदेशका सुगमदेखि दुर्गम ठाउँहरुमा पनि बैंकको सेवा उत्तिकै सबल र विश्वसनीय बनिरहेको छ । फरक संस्कृतिलाई बैंकिङमा ढाल्नु, नयाँ व्यवसायलाई साथ दिनु र लिएको ऋणलाई रिकभर गर्नु यो प्रदेशमा फरक खालको चुनौति छ । त्यसलाई पनि चिर्दै डिपोजिट संकलन, कर्जा विस्तार, ग्राहकको सन्तुष्टी र ग्राहक थप्ने मामलामा तेजराज तिमिल्सीनाको कमाण्डमा सुदूरपश्चिम प्रदेशमा एनआईसी एशिया बैंक लिडर बन्न सफल भएको छ।