">
काठमाडौं । एनएमबी बैंकले १ लाख ४७ हजार कित्ता संस्थापक सेयर बिक्रीमा ल्याएको छ । बैंकका २ जना संस्थापक सेयरधनीले आफ्नो स्वामित्वमा रहेको १ लाख ४७ हजार ९३७ कित्ता सेयर बिक्री खुला गरेका हुन् । जसमा संस्थापक सेयरधनी दयाराम भट्टराईले ९७ हजार कित्ता र मान बहादुर फागुले आफ्नो नाममा ५० हजार ९३७ कित्ता बिक्री खुला गरेका हुन् ।
यसको मूल्य भने तोकिएको छैन । यसमा संस्थापक सेयरधनीले मात्र आवेदन दिन सक्नेछन् । सेयर खरिद गर्न इन्छुक संस्थापकले आज (फागुन १० गते) देखि ३५ दिनभित्र एनएमबि बैंकको कार्यालय बबरमहल, काठमाडौंमा निवेदन दिनुपर्नेछ ।
सो समयमा कुनै पनि संस्थापकबाट आवेदन नपरेमा भने सर्वसाधारणलेसमेत किन्न सक्ने गरी बिक्री खुला गरिने बैंकले जानकारी दिएको छ ।
