काठमाडौँ । सुनचाँदी व्यवसायी संघ काठमाडौंको १९औं साधारणसभा सम्पन्न भएको छ । संघका अध्यक्ष शुरेसमान शाक्यको सभापतित्वमा साधारणसभा सम्पन्न भएको हो । संघीय मामिला तथा सामान्य प्रशासन मन्त्री राजेन्द्र श्रेष्ठको प्रमुख आतिथ्यतामा सो कार्यक्रम सम्पन्न भएको थियो ।

सो क्रममा मन्त्री श्रेष्ठले व्यवसायीका माग सम्बोधन गर्न आफू तयार रहेको बताए । सुनचाँदी व्यवसायीलाई व्यवसाय सञ्चालनका लागि प्रष्ट कानूनको अभाव रहेको देखिएकोले त्यसको व्यवस्थाका लागि पनि आफ्नो तर्फबाट सक्दो सहयोग गर्ने प्रतिवद्धता उनले व्यक्त गरे ।

सुनचाँदीका नेपाली मौलिक गरगहना निर्यातको प्रचुर सम्भावना रहेर पनि त्यसअनुसार गरगहनजा निर्यात भएको नपाइएकोले यसतर्फ लाग्न उनले व्यवसायीहरूलाई आग्रह गरे।