काठमाडौँ । काठमाडौंको चुच्चेपाटीमा एक समूहले सुनचाँदी पसलमा लुटपाट गरेको छ । चावहिलस्थित ‘ओम साई सेन्टर’ सुनचाँदी पसलका संचालक भारतीय नागरिक आमोल भोस्लेलाई आठ–दश जनाको समूहले घेरेर ४३ तोला सुन र १२ लाख नगद लुटेको हो ।
भोस्ले पसल बन्द गरेर नगद तथा सुन बोकेर घरतर्फ जाँदै गर्दा फागुन २५ गते साँझ लुटिएका हुन् । पसल संचालकले दाबी गरेका छन् । लुटमा संलग्न दाङ घर भएका राजेद्र ठकुरीलाई प्रहरीले दाङबाट पक्राउ गरेर काठमाडौं ल्याएको छ ।
लुटेको भोलिपल्ट महानगरीय प्रहरी परिसर काठमाडौंबाट खटिएको टोलीले वानेश्वरबाट महेश बिकलाई पक्राउ गरेको थियो । भोस्लेका अनुसार पसलबाट पिछा गरेर लुटेराको समूहले चुच्चेपाटीस्थित एनआइसी एसिया बैंक पछाडीबाट उनलाई लुटेका हुन् । यता दाङबाट पक्राउ गरिएका ठकुरीको साथबाट प्रहरीले २ सय ६१ ग्राम सुन बरामद गरेको छ ।
