काठमाडौं । बलेफी हाइड्रोपावर लिमिटेडको आइपीओमा ७ लाख ९५ हजार ७२८ जनाको आवेदन परेको छ । सीडीएस एन्ड क्लियरिङ लिमिटेडका अनुसार आज बिहिबार बिहान १० बजेसम्ममा ७ लाख ९५ हजार ७२८ जनाले ९५ लाख ९ हजार ३६० कित्ताका लागि ९५ करोड ९ लाख ३६ हजार रुपैयाँ बराबरको आवेदन दिएका हुन्। यो सर्वसाधारणले माग गरेको भन्दा ५.७१ गुणा बढी आवेदन हो ।
बलेफी हाइड्रोपावरले बुधबारदेखि सर्वसाधारणका लागि १८ करोड २७ लाख ९७ हजार रुपैयाँ बराबरको १८ लाख २७ हजार ९७० कित्ता आइपीओ जारी गरेको छ । कम्पनीले प्रतिकित्ता १०० अंकित मूल्यका दरमा सो सेयर बिक्रीमा ल्याएको हो ।
५% अर्थात् ९१ हजार ३९८ कित्ता सामुहिक लगानी कोष र ४% अर्थात् ७३ हजार ११९ कित्ता सेयर कर्मचारीका लागि छुट्याइएको छ । बाँकी १६ लाख ६३ हजार ४५३ कित्ताका लागि सर्वसाधारणले आवेदन दिन सक्नेछन् । लगानीकर्ताले यसमा चैत २१ गतेसम्म आवेदन दिन सक्नेछन् भने सो अवधिमा सबै सेयर बिक्री नभएमा चैत ३० गतेसम्म आवेदन दिन सकिनेछ ।
न्यूनतम १० कित्तादेखि अधिकतम १ लाख कित्ताको लागि आवेदन दिन सकिनेछ । लगानीकर्ताले सि–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् ।
