बारा । बैंकिङ कसुरको मुद्दामा बारा कलैया उपमहानगरपालिका–१४ का वडाध्यक्ष पक्राउ परेका छन् । प्रहरीले तीन वटा छुट्टाछुट्टै बैंकिङ कसुरको मुद्दामा वडाध्यक्ष सुरेन्द्रप्रसाद जयसवाललाई पक्राउ गरेको हो ।

जनही २०, १० र आठ लाख गरी ३८ लाख ठगी गरेको आरोपमा निज वडाध्यक्षलाई कलैया बजारबाट पक्राउ गरिएको प्रहरी प्रवक्ता राजेश थापाले जानकारी दिए । पक्राउ परेका जयसवाललाई जिल्ला अदालतबाट पाँच दिनको म्याद थप गरी अनुसन्धान प्रक्रिया अगाडि बढाइएको प्रवक्ता थापाले जानकारी गराए ।

जयसवाल २०७४ सालको स्थानीय निर्वाचानमा नेकपा (एमाले) का तर्फबाट निर्वाचित हुनुभएको थियो । हाल उहाँ बारा निर्माण व्यवसायी सङ्घको अध्यक्ष छन ।