काठमाडौं । महुली लघुवित्त वित्तीय संस्थाले २५ हजार ४०० कित्ता संस्थापक सेयर आज बिहिबारदेखि बिक्रीमा ल्याएको छ । कम्पनीले एक सूचना जारी गरी उक्त सेयर विद्यमान संस्थापक सेयरधनीहरुले मात्र खरिद गर्न पाउने गरी बिक्रीमा ल्याएको जनाएको हो ।

कम्पनीको सो सेयर खरीद गर्न इच्छुक विद्यमान संस्थापक सेयरधनीहरुले आगामी ३५ दिनभित्र कम्पनीको केन्द्रीय कार्यालय सप्तरीमा पुग्ने गरी निवेदन दिनुपर्नेछ ।

विद्यमान संस्थापक सेयरधनीहरुबाट यो सेयर खरिदको आवेदन नपरेमा भने अन्य व्यक्ति तथा संस्थाहरुमा बिक्री प्रकृया अघि बढ्ने छ ।