वीरगञ्ज । सशस्त्र प्रहरीले बाराको सिम्रौनगढबाट नक्कली नोटसहित एक जनालाई पक्राउ गरेको छ । धनुषाको क्षिरेश्वरनाथ नगरपालिका-५ दिगम्बरपुर बस्ने १९ वर्षीय विरेन्द्र महतो १ हजार दरका ३ सय १ थान नक्कली नोट र सक्कली १ हजार ५ सय २५ रुपैयाँसहित पक्राउ परेका हुन् ।

सशस्त्र प्रहरी बल नेपाल छिन्नमस्ता बाहिनी, बर्दिबासका प्रमुख सशस्त्र प्रहरी नायब महानिरीक्षक गणेश ठाडामगरले सिम्रौनगढ नगरपालिका-६ अम्मरपुरस्थित सीमा क्षेत्रमा नहरतर्फ आउँदै गरेको लु ७८ प ३३९७ नम्बरको मोटरसाईकल चेकजाँच गर्दा चालक महतोको साथबाट नक्कली नोट फेला परेको बताएका हुन् ।

बरामद गरिएको नक्कली र सक्कली नोट, मोटरसाईकलसहित महतोलाई आवश्यक कारबाहीका लागि नेपाल प्रहरीको जिम्मा लगाइएको छ ।