काठमाडौं । नेपाल धितोपत्र बोर्डले नेपाल फाइनान्स लिमिटेडलाई ७० प्रतिशत हकप्रद सेयर बिक्री गर्न अनुमति दिएको छ । बोर्डले फाइनान्सलाई १० बराबर ७ को अनुपातमा प्रतिसेयर १०० अंकित दरको ३४ करोड ५४ लाख ४७ हजार ४२८ बराबरको ३४ लाख ५४ हजार ४७४.२८ कित्ता हकप्रद सेयर बिक्री गर्न अनुमति दिएको हो ।
गत कात्तिक १ गते निवेदन दिएको नेपाल फाइनान्सले चैत ८ गते बोर्डको स्वीकृति पाएको हो । यो हकप्रद सेयर बिक्रीको जिम्मेवारी प्रभु क्यापिटल लिमिटेडले पाएको छ । फाइनान्सले यसअघि १ बराबर १.७५ को अनुपातमा हकप्रद सेयर निष्कासन गर्ने निर्णय गरेको थियो ।
उक्त निर्णयलाई परिमार्जन गरी ललितपुर फाइनान्सलाई प्राप्तपश्चात कायम भएको चुक्तापूँजी ४९ करोड ३४ लाख ९६ हजारको आधारमा ७० प्रतिशत हकप्रद सेयर निष्कासनको तयारी कम्पनीले गरेको हो । हकप्रदपश्चात कम्पनीको चुक्तापूँजी ८३ करोड ८९ लाख ४३ हजार पुग्नेछ ।
