तनहुँको व्यास नगरपालिका–१ स्थित धानखेतमा किसानलाई चैतेधान रोपाइँका लागि आली मिलाउँदै, खेत साउदै र बीउ काढ्दै गरेको दृश्य ।
महोत्तरी जिल्लाको सदरमुकाम जलेश्वरको मीनाबजार नजिकै सडक छेउमा मकै पोलेर बेच्दै स्थानीय व्यापारी ।
म्याग्दीको बेनी नगरपालिका–१ लामगरामा सिँचाइ नहर निर्माण गर्दै स्थानीयवासी । बेनी नगरपालिकाको सहयोगमा स्थानीयवासीले श्रमदान गरेर सिँचाइ नहर बनाउन लागेका हुन् ।
ब्यास गाउँपालिका– १, छाङ्गरु र तिंकर जाने गोरेटो बाटो अवरुद्ध हुँदा स्थानीय सास्ती भोग्दै । गत असारमा महाकालीमा आएको बाढी र भारतीय सडक निर्माणको क्रममा नेपालतर्फको गोरेटो बाटो भत्किएको हो । गोरेटो बाटो भत्किएपछि ब्यासीले गाउँ जाँदा हरेक वर्ष भारतीय बाटोको प्रयोग गर्नुपर्छ ।
बागलुङको काठेखोला गाउँपालिका–४, तङ्ग्रामस्थित धारा माध्यमिक विद्यालय परिसरमा गरिएको किवी खेती स्याहार्दै सोही विद्यालयका छात्रा । विद्यालयले तीन वर्षअघिदेखि व्यावसायिक रुपमा किवी खेती गर्दै आएको छ ।
शुक्लाफाँटा नगरपालिका–१२ मा कुमालेले सुकाउन राखेको माटाका घैंटा । आजभोली प्लाष्टिका भाँडाकुँडा बढी प्रयोग हुन थालेपछि माटाका भाँडा प्रयोगमा कमी आउन थालेको छ
म्याग्दीको रघुगङ्गा गाउँपालिका–४ दर्मिजा गाउँको पुछारमा रहेको रघुगङ्गा नदीको किनारामा पानीविहीन तातोपानी कुण्ड । वर्षाको समयमा रघुगङ्गामा आएको बाढीले कुण्डमा क्षति पु¥याएपछि यो कुण्ड पानीविहीन भएको हो ।
पृथ्वी राजमार्गअन्तर्गत पोखराको प्रवेशद्वार कोत्रेस्थित धुलाम्ये सडक । पोखराको प्रवेशद्वारका रुपमा रहेको यस स्थानमा बाटो समयमा नै व्यवस्थित गर्न नसक्दा बर्खामा हिलाम्य र हिउँदमा धुलाम्य हुने गरेको छ ।
