काठमाडौँ । दक्षिण कोरियाबाट नेपाल घुम्न आएका कोरियन नागरिकले काठमाडौंमा ठगी धन्दा चलाउने गरेको खुलासा भएको छ । प्रहरीको केन्द्रीय अनुसन्धान ब्यूरोले काठमाडौंको चाबहिलमा बसेर ठगी धन्दा चलाएको आरोपमा रे सी जङ्गलाई पक्राउ गरेको हो ।

चाबहिलस्थित लाहुरेचोकमा रहेको ‘ओके कन्सल्टेन्सी’मार्फत दक्षिण कोरिया पठाउँछु भनेर उनले ठग्ने गरेको प्रारम्भिक अनुसन्धानबाट खुलेको प्रहरीले जनाएको छ । कोरिया सपना देखाएर उनले ‘वेल्डिङ ट्रेनिङ्ग’ गराएपनि दक्षिण कोरिया नपठाएर ठगेको भन्दै पीडितले ब्युरोमा उजुरी गरेका थिए ।

उनलाई काठमाडौंको महांकालबाट पक्राउ गरेर थप अनुसन्धानका लागि महानगरीय प्रहरी वृत्त गौशालामा पठाइएको छ ।