केपिलासगढी गाउँपालिकाको प्रमुख व्यापारिक केन्द्र बाक्सिला बजारमा लाग्ने बुधबारे हटियामा आफूले उत्पादन गरेको गुन्द्रुक,भटमासलगायत गेडागुडी बिक्री गर्दै स्थानीय वृद्धा ।

घोराही–१४, झिगौरामा लागेको औद्योगिक, पर्यटन तथा कृषि मेलामा उखु पेलेर जुस निकाल्दै उखु व्यवसायी । एक गिलास जुसको ४० रुपैयाँमा बिक्री भइरहेको उनी बताउँछन् ।

म्याग्दीको मालिका गाउँपालिका–५ देवीस्थानमा श्रमदानबाट खानेपानीको पाइपलान जडानका लागि खाल्डो खन्दै स्थानीयवासी । देवीस्थानमा एक घर एक धारासहितको खानेपानी आयोजना निर्माणाधीन छ ।

बागलुङको ताराखोला गाउँपालिका, ५ करिमेलाका किसान अकप्रसाद रोकाले टनेलमा उत्पादन गर्नुभएको तरकारी खेती । घरायसी प्रयोजन र व्यावसायिक उत्पादनका लागि पछिल्लो समय तरकारी उत्पादन गर्न किसानले प्लाष्टिक घरको प्रयोग गर्ने गरेका छन् ।

ठूलीभेरीको किनारमा अवस्थित डोल्पाको सदरमुकाम दुनै बजार । दुई महिनादेखि विद्युत् सेवा अवरुद्ध हुँदा यहाँका सरकारी कार्यालय र नेपाल टेलिकमको सेवासमेत प्रभावित भएको छ ।

दक्षिण एशियाकै नमूना घलेगाउँ । घलेगाउँमा रहेको लोपोन्मुख घुमाउने घर र भेँडी गोठ ।

कञ्चनपुरको महेन्द्रनगरस्थित मझगाउँ विमानस्थलको पुनःनिर्माण गरिँदै । द्वन्द्व कालमा असुरक्षाको कारण देखाउँदै बन्द भएको विमानस्थल पुनः सञ्चालनका लागि सरकारले ठेक्का दिएर काम थालेको छ ।