काठमाडौँ । बैंक तथा वित्तीय संस्थामा एक दिनमै ५ अर्ब रुपैयाँ निक्षेप थपिएको छ । नेपाल राष्ट्र बैंकले चैत्र २२ गते, मंगलबारसम्म बैंक तथा वित्तीय संस्थाहरूमा कुल ४९ खर्ब १५ अर्ब रुपैयाँ निक्षेप रहेको जनाएको हो । बैंक तथा वित्तीय संस्थाले मंगलबार मात्रै ५ अर्बले निक्षेप संकलन गरेका हुन् ।
चैत्र २१ गते साेमबार बैंक तथा वित्तीय संस्थाहरूकाे निक्षेप ४९ खर्ब १० अर्ब रूपैयाँ रहेकाे थियाे । सो अवधिमा बैंक तथा वित्तीय संस्थाहरूको कर्जा लगानी पनि बढेकाे छ । कर्जा लगानी २ अर्बले बढेर ४७ खर्ब २ अर्ब पुगेकाे छ । यस्तै बैंकहरूको औसत कर्जा- निक्षेप अनुपात (सीडी रेसियो) ९०.६५ प्रतिशतबाट घटेर ९०.५८ प्रतिशतमा झरेकाे राष्ट्र बैंकले जनाएको छ ।
