काठमाडौं । उपत्यकासहित बाग्मती प्रदेशमा सार्वजनिक यातायातको भाडा बढेको छ । बागमती प्रदेश श्रम, रोजगार तथा यातायात व्यवस्था मन्त्रालयले आगामी वैशाख १ गतेदेखि सार्वजनिक यातायातको भाडा बढाएको हो ।

नयाँ भाडादर अनुसार अब बाग्मती प्रदेशमा चल्ने सार्वजनिक यातायातमा चढ्ने वित्तिकै २० रुपैयाँ भाडा तिर्नुपर्नेछ । ५ किलोमिटरका लागि २० रुपैयाँ भाडा तोकेको छ । यस्तै १० किलोमिटरसम्मको भाडा २५ रुपैयाँ पुगेको छ । प्रदेशले १५ किलोमिटरसम्मको भाडा ३० रुपैयाँ पुर्याएको छ ।

यातायात व्यवसायीले २० किलोमिटरसम्म यात्रु चढेमा ३३ रुपैयाँ र २० भन्दा माथि ३८ रुपैयाँ भाडा लिन पाउनेछन् । यस्तै, ट्याक्सीको हकमा प्रति २०० मिटरको भाडा १० रुपैयाँ बनाइएको छ ।