काठमाडौं । भन्सार एजेन्टको परीक्षा हुने भएको छ । आगामी वैशाख १७ गते शनिबार दिउँसो २ बजे परीक्षा हुने भएको हो । उच्च अदालत पाटनले अन्तरिम आदेशलाई निरन्तरता नदिएसँगै परीक्षा सञ्चालन गर्ने निर्णय गरेको भन्सार विभागले जनाएको छ ।
उच्च अदालत पाटनले परीक्षा सञ्चालन नगर्न गत फागुन २६ गते अन्तरिम आदेश दिएको थियो । त्यसकारण फागुन २८ गतेका लागि तय भएको परीक्षा स्थगित भएको थियो । यस्तै गत चैत १३ गते उच्च अदालत पाटनले उक्त अन्तरिम आदेशलाई निरन्तरता नदिएपछि परीक्षा सञ्चालन गर्ने बाटो खुल्ला भएको हो । परीक्षा केन्द्र भने पछि तय गरिने विभागले जनाएको छ ।
