काठमाडौं । फर्स्ट माइक्रोफाइनान्स लघुवित्त वित्तीय संस्थाले वित्तीय विवरण सार्वजनिक गरेको छ । कम्पनीले चालु आर्थिक वर्षको तेस्रो त्रैमाससम्म आइपुग्दा सबै सुचकहरु बढायन सफल भएको छ । कम्पनीले यसअवधिमा ४६.४४ प्रतिशतले खुद नाफा बढाएर १६ करोड ६१ लाख ३४ हजार रुपैयाँ पुर्याएको छ । अघिल्लो वर्षको यसैअवधिमा कम्पनीले ११ करोड ३४ लाख ४५ हजार रुपैयाँ खुद नाफा आर्जन गरेको थियो ।
यता अघिल्लो वर्ष १९ करोड १७ लाख ९३ हजार रुपैयाँ खुद ब्याज आम्दानी गरेको कम्पनीको यस त्रैमासमा ६०.१४ प्रतिशतले बढाएर ३० करोड ७१ लाख ४२ हजार रुपैयाँ पुर्याएको छ । अघिल्लो वर्ष कम्पनीले १९ करोड १७ लाख ९३ हजार रुपैयाँ खुद ब्याज आम्दानी गरेको थियो ।
यस्तै अघिल्लो वर्ष १५ करोड ५४ लाख ३२ हजार रुपैयाँ सञ्चालन आम्दानी गरेको कम्पनीले यस त्रैमासमा ६१.५९ प्रतिशतले बढाएर २५ करोड ११ लाख ५५ हजार रुपैयाँ पुर्याएको छ । कम्पनीको प्रतिसेयर आम्दानी ५ रुपैयाँ ७२ पैसाले बढेर २२ रुपैयाँ ९७ पैसा पुगेको छ भने प्रतिसेयर नेटवर्थ १३३ रुपैयाँ ८४ पैसा रहेको छ ।
