काठमाडौं । गुडविल फाइनान्सले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले यस त्रैमासमा ११ करोड ८ लाख रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा २६.१५ प्रतिशतले थोरै हो । अघिल्लो वर्ष कम्पनीले १५ करोड रुपैयाँ खुद नाफा आर्जन गरेको थियो ।

कम्पनीको खुद ब्याज ३३.५६ प्रतिशतले घट्दा सञ्चालन नाफा पनि २८.४९ प्रतिशतले घटेको छ । यस्तै वितरणयोग्य नाफा पनि २७.३३ प्रतिशतले घटेर ५३ लाख ७० हजार रुपैयाँ पुगेको छ ।

यसैगरी बैंकले निक्षेप संकलन ३.६४ प्रतिशतले बढाउन सफल भएको छ भने कर्जा लगानी ११.४३ प्रतिशतले बढाउन सफल भएको छ । कम्पनीको प्रतिसेयर आम्दानी ७ रुपैयाँ ४६ पैसाले घटेर १५ रुपैयाँ ६२ पैसामा सिमित भएको छ ।