काठमाडौं । आइएमई जनरल इन्स्योरेन्सको वार्षिक साधारणसभा वैशाख ९ गते शुक्रबार बस्दै छ । सभा लैनचोर ब्यांक्वेट काठमाडौंमा बिहान १० बजे हुने भएको छ । सभामा गत वर्षको नाफाबाट ७ प्रतिशत बोनस सेयर र कर तिर्न ०.३७ प्रतिशत नगद लाभांश दिने प्रस्ताव पेश हुनेछ ।
यस्तै आर्थिक वर्ष २०७७/७८ को वार्षिक प्रतिवेदन, नाफा नोक्सान हिसाब तथा नगद प्रवाह विवरणमा छलफल गरी पारित हुनेछ । आर्थिक वर्ष २०७८/७९ को लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पनि रहेको छ ।
त्यस्तै कम्पनीको अधिकृत पुँजी बढाएर २ अर्ब ५० करोड रुपैयाँ पुर्याउने विशेष प्रस्ताव पनि छ । कम्पनीको प्रबन्धपत्र तथा नियमावली संशोधन गर्ने एजेण्डा रहेको छ । सभा प्रयोजनका लागि कम्पनीले चैत २५ गतेदेखि वैशाख ९ गतेसम्म बुक क्लोज गरेको छ । चैत २४ गतेसम्म नेप्सेमा कायम रहेका सेयरधनीले सभामा भाग लिन र प्रस्तावित लाभांश पाउन भएका छन् ।
